لا........ تعليق

والله ما عارفه اقول حاجه

هذا هو ........... حلمهم.

صوره جميله ومنظر رائع مش كده
عارفين ده ايه ده اللي اليهود نفسهم يعملوه ده هيكل سليمان اللي بيزعموا به اليهود واللي عايزين يهدموا المسجد الاقصي عشان يبنوه بداله
انا امبارح كنت بتفرج علي الاخبار حسيت بخوف فظيع ولقيت نفسي بقول هو بجد النهايه قربت ولا ايه واحنا عايشين كده بناكل وبنشرب وبنضحك وفعلا المسجد الاقصي في خطر انا فعلا مش عارفه اقول ايه بس حاسه بعجز رهيب اني بجد مش بعمل حاجه
انا فعلا مش عارفه اقول ايه
.....................................................................................................................

هي دي المصالح الحكوميه

النهارده رحت اعمل ورق مهم جدا في الشهر العقاري فضلت تقريبا 3 ساعات ونص وفي الاخر وانا مروحه ببص في ايدي لقتها حته ورقه متخدش في ايد الموظف ربع ساعه

ده بقي ايه غير الزحمه واللي يتخانق معاك عشان يقف الاول والموظف يتنك علي الناس

بس بصراحه هما في شده النظام

تروح تجيب الورقه من مكان معين وتروح تملي البينات عند موظف تاني وتروح تجيب الدمغه عند موظف تاني وتروح عند موظف تالت يشوف الدمغه وعند واحد تاني يلزهالقك وتمضيها عند موظف غيره وتختمها مش عارفه عند مين وهكذا وانت رايح جاي وطالع نازل

بس بجد انا مكنتش مصدقه ان الموضع كده كنت بسمع بس كنت بقول مش معقوله بالصوره ديه بس شوفت بنفسي وصدقت

وسعتها اتاكدت ان احنا في مصـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــر

هكذا......................هي؟

فعلآ ............هكذا هي ؟

الدنيا ما هي الإ فراق نعيش ونتعرف ونحب لكي نفترق.......

أحبب ما شئت فإنك مفارق

....مش عارفه يمكن أنا عايشه في حاله أكتئاب وهي اللي عامله فيا كده

بس مابقاش في حاجه في الدنيا ليها طعم كل حاجه حواليا راحت

أبي رحل عني واللي زاد عليا أكتر أن الدراسه بدأت والأستقبال شغال وآخواتي اللي كنت معاهم السنوات اللي فاتت واللي كنت لازم أشوفهم خلاص مش لاقياهم اللي تزوجت واللي عقدت واللي أنشغلت بحياتها وفعلآ فعلآ وحشتووووووووووووني جدآ جدآ ياأجمل أخوات يا من عشت معهم أجمل أيام عمري علمتوني كتير ولولاكم ما كنت أنا بجد اأنا مفتقداكم جدا جدا في الكليه ومفتقده الروح اللي كنت شغاله معاكوا بيها واللي كنتم بتعملوها في الكليه والروح الاخوه اللي كانت مابيننا والحب اللي كان موجود

آه ه ه ه ه مفتقداكم جدا

وكل ما أفتكر ذكرياتي معاهم وأبص حواليا ومش الآقيكم أفتكر إن هي دي الدنيا ولابد أن نفترق

أني أحبكم في الله

لكن والله عندي أمل وثقه في المولي عزوجل أن نلتقي في الفردوس الاعلي

وسعتها هطلب من ربنا إنه يحققلي أمنيتي إن يكون هناك جامعه القاهره ويجبلي كل آخواتي اللي بحبهم ونعمل أستقبال هناك بس ايه سعتها بقي يكون معانا سيدنا محمد وسيدنا عمر والسيده فاطمه

يارب حقق لي أمينيتي..........................